ⵓⵙⵎⵉⴳⵏ

ⵓⵔ ⴳⵉⴳⵉ ⵎⴰⴷ ⵉⵙⴽⴰⵔⵏ ⵜⵉⵣⵡⵓⵔⵉⵏ, ⵖⴰ ⴰⵏⵏ ⴰⴼ ⴷ ⵉⵇⵇⴰⵏ ⴰⴷ ⵜⵉⵎⵢⵓⵔⵎ ⵜⴰⵣⵏⵏⴰ (Way) ⴰⴷ.
ⵙⵙⵉⵜⵎⵖ ⴽⵔⴰ ⵏ ⵡⴰⵙⵙ ⴰⴷ ⵉⵍⴽⵎ ⵓⵎⴰⵣⵉⵖ ⴰⵙⵡⵉⵔ ⵏⵏⴰ ⵖ ⵔⴰⴷ ⴽⴰ ⵉⵙⴰⵡⴰⵍ, ⴰⵔ ⵉⵜⵜⴰⵔⴰ, ⵉⴼⵏⵖ ⵜⵓⵜⵍⴰⵢⵜ ⵏⵏⵙ, ⵉⴳⵏⵏ ⴰⵏⵅⴰⵔⵏ ⵏⵏⵙ ⵖ ⵓⵎⵙⴳⴷⴰⵍ ⴷ ⵉⴼⴰⵙⵙⵏ ⵏⵏⵙ ⵖ ⵓⵎⵢⴰⵏⵏⴰ, ⵉⵣⴷⵎ ⴷⵉⵙ ⵎⴰⴷ ⴰⵙ ⵉⵕⵡⴰⵏ.
ⴰⴷ ⵜⴳ ⵜⴷⵍⵙⴰ ⵏ ⵜⵖⵔⵉ ⵜⴰⵎⵢⵓⵔⵜ, ⵉⴳ ⵓⵎⵙⴳⴷⴰⵍ ⵜⴰⵖⴰⵡⵙⴰ ⵜⴰⵏⴰⵔⴰⴼⵜ (Favourite/Favoured), ⵏⴳ ⵜⵉⵍⴰⵡⵜ ⴷ ⵜⵓⴳⵍⵉⵎⵜ (Described).
ⴰⵙⵙ ⴰ, ⵔⵉⵖ ⴰⴷ ⵙⴰⵡⵍⵖ ⴼ ⵢⴰⵜ ⵜⵓⵎⴰⵏⵜ (Phenomenon) ⵜⵓⴽⵍⵉⵙⵏⵜ (Psychological) ⴰⵔ ⴰⵙ ⵜⵜⵉⵏⵉⵏ ⵙ ⵜⵏⴳⵍⵉⵛⵜ Learned Helplessness, ⴷ ⵓⵙⵓⵖⵍ ⵏⵏⵙ ⵙ ⵜⵙⵔⵖⵉⵏⵜ ⵉⴳⴰ ⵜ العجز المكتسب.
ⵔⴰⴷ ⵙⵎⴷⵢⴰⵖ ⵙ ⵢⴰⵜ ⵜⵉⵔⵎⵉⵜ ⴼⴰⴷ ⵜⵔⵎⵙⵎ ⵜⴰⴽⵔⴰⵡⵜ (Thing, شيء) ⴰⴷ.
ⴰⴷ ⵏⵉⵏⵉ ⵉⵍⵍⴰ ⵢⴰⵏ ⵓⴽⵏⵓⵣ ⵏ ⵉⵍⵡ, ⵏⵙⵙⵏⵓⵎⵏⵜ ⵏⵙⵙⴳⵯⵔⴷⵜ ⵣⵖ ⵜⵉⵎⵥⵉ ⵏⵏⵙ ⴼⴰⴷ ⵉⴳ ⵓⴽⵔⵉⴼ ⵙ ⵉⵙⵔⵔⵓⵔⴰ (Chains) ⵖ ⵉⴹⴰⵕⵏ ⵏⵏⵙ, ⵔⴰⴷ ⵉⵎⵖⵓⵔ ⵉⵍⵡ ⴰⴷ ⵉⴳ ⴰⵎⵜⵔⵓⴳ (Adult) ⵉⵍⵉ ⵖⵓⵏⵛⴽ ⵏ ⵎⵉ, ⵉⴳ ⴰⵥⵏⵟⴰⵕ; ⵎⴰⵛ, ⵓⵔ ⵊⵊⵓ ⵔⴰⴷ ⵉⵖⵡⵡⵖ ⴼ ⵉⵎⵙⵙⵓⵎⴰⴳ (Enslavers) ⵏⵏⵙ, ⵏⵖ ⵢⴰⵏ ⵓⴱⵓⴱⴰⵣ ⵍⵍⵉⵖ ⵙⵓⵍ ⵉⴳⴰ ⵎⴰⴷ ⵉⵎⵥⵥⵉⵏ ⴰⵔ ⴰⵙ ⵏⵜⵜⴳⴳⴰ ⵜⴰⴽⴰⵜ ⵖ ⴷⴷⵓ ⵉⴹⴰⵕⵏ ⵏⵏⵙ ⵏⵍⴳⵎ ⵉ ⵓⵎⴰⵔⴳ/ⵓⵥⴰⵡⴰⵏ ⴼⴰⴷ ⵉⵜⵜⵔⴽⴰⵣ ⵙ ⴱⵣⵣⵉⵣ ⵏⵏⵙ, ⵉⵙⴽⵔ ⴰⵙ ⵖⴰ ⴰⴷ ⵜⵓⵥⵎⴰ, ⴷ ⵡⴰⵍⴰ ⵏⵜⵜⴰ ⵔⴰⴷ ⵉⵡⴹ ⴰⵙⵡⵉⵔ ⵏⵏⴰ ⵖ ⵔⴰⴷ ⵉⵥⴹⵉⵕ ⴰⴷ ⵉⵏⵏⵔⵓ ⵎⴰⴷ ⴰⵙ ⵉⵙⴽⵔ ⵖⵉⴽⴰ; ⵎⴰⵛ, ⵔⴰⴷ ⵉⵇⵇⴰⵎⴰ ⵉⴳⴰ ⵉⵎⵔⵏⵉ (Defeatist).
ⵎⴰⵅ?
ⵎⴰⴼ ⵙⵉⵏ ⴰⴷ ⵓⵔ ⵊⵊⵓ ⵔⴰⴷ ⵍⵉⵍⵍⵏ ⵉⵎⴰⵏ ⵏⵏⵙⵏ?
*
ⴰⵛⴽⵓ:
ⵜⴰⴳⴰⵎⵉⵜ ⵜⵓⵍⵎⵉⴷⵜ
ⵖⵡⴰⴷ ⴰⴷ ⵉⴳⴰⵏ ⴰⵙⵎⴰⵣⵖ ⵏ ⵜⵓⵎⴰⵏⵜ ⴰⵏⵏ ⵏ ⵓⴼⵍⵍⴰ.
ⵜⵉⴳⵓⵔⵉⵡⵉⵏ ⴰⴷ ⵜⵓⵎⵣⵉⵖⵉⵏ ⴽⴽⴰⵏⵜ ⴷ:
ⴳⴳⴰⵎⵎⵉ: Be unable, عجز
ⵉⵙⵎ ⵏ ⵜⵓⵙⴽⴰ ⵏⵏⵙ ⵉⴳⴰⵜ ⵜⴰⴳⴰⵎⵉⵜ.
ⵜⵓⵍⵎⵉⴷⵜ ⵜⵓⵛⴽⴰ ⴷ ⵖ;
ⵍⵎⴷ
ⵓ (ⵓⵣⵡⵉⵔ ⵏ ⵓⵙⵉⵍⵖ ⵏ ⵓⴼⵔⵉⵙ)
ⵓⵏⵜⵉ: ⵜⵓⵍⵎⵉⴷⵜ
ⴰⵎⴰⵢ: ⵓⵍⵎⵉⴷ
ⴰⵎⴰⴳⵓⵜ: ⵓⵍⵎⵉⴷ, ⵜⵓⵍⵎⵉⴷⵉⵏ
--
ⵀⵍⵍⵉ?
ⴽⴰ!
ⵖⴰ ⴰ ⴰⴷ ⵉⵍⵍⴰⵏ.
ⴰⵔ ⴷⴷⵓⵔ ⴰⴹⵏ!
-
ⴷ ⵉⵖ ⵙⵓⵍ ⵜⵔⴰⵎ/ⵜ ⵉⵖⴱⵓⵍⴰ ⵏ ⵜⴳⵓⵔⵉⵡⵉⵏ ⴰⴷ, ⴼⵍⴰⵜ/ⴰⵎⵜ ⴽⴰ ⴰⵅⴼⴰⵡⴰⵍ, ⵓⴽⴰⵏ ⴼⵖ ⴰⵡⵏ/ⵜ ⵎⴰⵏⵉ ⴷ ⴽⴽⴰⵏⵜ.
ⴰⵏⵙⵓⴼ ⵙⵔⵓⵏ/ⵜ!